درٻيلو ڀرسان پيار پرڻي تان ڀاءُ هٿان ڀيڻ گوليون هڻي سخت زخمي ، اسپتال منتقل

ٺاروشاهه ڀرسان ڳوٺ لعل بخش ڪلو ۾ هڪ سال اڳ پيار پرڻو ڪندڙ ناري عابدا ڪلو کي سندس ڀاءُ گلزار ڪلو پسٽل جا فائر ڪري سخت زخمي ڪري فرار ٿي ويو جڏهن ته ناري کي زخمي حالت ۾ درٻيلو اسپتال آندو ويو جتي ڊاڪٽرن سميت عملو غائب هجڻ تي زخمي هڪ ڪلاڪ تائين تڙبندي رهي فرسٽ ايڊ نه ملڻ سبب کيس نوشهروفيروز اسپتال آندو ويو جتي ناري جورت وهڻ سبب سندس اٺ مهينن جو حمل ذايع ٿي ويو جڏهن ته کيس مرڻينگ حالت ۾ نوابشاهه اسپتال داخل ڪيو ويو آهي جڏهن ته واقعي بعد جوابدار گهر کالي ڪري فرار ٿي ويا جڏهن ته زخمي ناري جي مڙس نديم ڪلو وارث احتجاج ڪندي ميڊيا سان ڳالهائيندي چيو ته مان پنهنجي سئوٽ عابدا سان هڪ سال اڳ پيار جو پرڻو ڪيو هو جنهن تي سندس مائٽ ڪاوڙيل هئا جنهن جو فيصلو ٿيڻ بعد آءُ ڳوٺ آيل هئس فيصلي ۾ پيل 5 لک ڏنڊ جي رقم ڏيڻ باوجود گهرواري جي ڀاءُ گهر تي حملو ڪري پنهنجي ڀيڻ مٿان سڌا فائر زخمي ڪرڻ بعد فرار ٿي ويو مان گهر ۾ موجود نه هجڻ سبب محفوظ رهيس هن چيو ته گهر واري کي زخمي حالت ۾ دربيلو اسپتال آندو جٿي ليڊي ڊاڪٽرياڻي سميت ڪوبه عملو موجود نه هو جنهن سبب کيس فرسٽ ايڊ نه ملي سگهي زخمي حالت ۾ نوشهروفيروز کڻي وياسين جٿي رت وهڻ سبب  سندس حمل ذايع ٿي ويو جنهن جو آپريشن ڪري ٻار ڪڊيو ويو بعد ۾ کيس نوابشاهه اسپتال ۾ داخل ڪيو ويو آهي  هن روئيندي چيو ته ظالمن منهنجو گهر تباهه ڪري ڇڏيو آهي هن وس وارن کي اپيل ڪندي چيو ته جوابدارن کي گرفتار ڪري غير حاضر ڊاڪٽرن خلاف ڪاروائي ڪري انصاف ڪيو وڃي جڏهن ته درٻيلو چوڪي انچارج غلام عباس اڄڻ رابطو ڪرڻ تي ٻڌايو ته واقعي بعد جوابدار گهر کالي ڪري فرار ٿي ويا آهن جوابدارن جي گرفتاري لاءِ ڇاپا هڻي رهيا آهيون کين جلد گرفتار ڪيو ويندو جڏهن ته واقعي جو ڪوبه ڪيس وغير داخل نه ٿي سگهيو آهي